Sunngiffimmut aaqqissuussat kiisalu klubbi
Atuareernermi periarfissatut aaqqissuussat/SFO kiisalu fritidshjem
Qitornat 0. klassemiit 3. klassemut atuarnermini atuarnerup avataani SFO naapertorlugu imaluunniit fritidshjemmimik ornittagaqarsinnaavoq.
Atuareernermi aaqqissuussat atuarfimmut atasuupput kiisalu fritidshjemmit atuarfiup ataani inissisisimallutik. SFO imaluunniit fritidhjemmet ullaakkut atuarneq aallartitsinnagu akunnerni arlalinni ammasarput, ualikkullu qitornat atuareeraangat ammaqqittarlutik.
Sunngiffimmi periarfissatut aaqqissuussat pillugit uani atuarit: borger.dk, kommunillu nittartagaa alakkaruk, neqeroorutillu aalajangersimasut ujarlugit. (qallunaatut)
SFO-mut fritidshjemmimullu qitornat allatsissinnaavat digitalimik inissamik inniminniisarfik aqqutigalugu, taannalu uani nassaarisinnaavat; borger.dk. (qallunaatut) NemID atussavat.
Fritids-aamma ungdomsklub
Meeqqanut annerumaanut klubbit neqeroorutaapput. Fritidsklubbit 10-11-nik ukiulinnoortuupput. Juniorklubbit 12-14-nik ukiulinnoorlutik kiisalu ungdomsklubbit 14-18-nik ukiulinnoortuullutik. Ungdomsklubbit unnukkut ammasarput, fritidsklubbit juniorklubbillu ualikkut atuareernermi ammasarlutik.
Klubbit paaqqinnittarfittut ingerlanngillat, sunngiffimmili nuannersunik pissanganartunillu misigisassaqartitsisarlutik.
Fritidsklubbit pillugit uani atuarit; borger.dk, kommunillu nittartagaani neqeroorutit aalajangersimasut ujarlugit.
Qitornat fritidsklubbimut allatsissinnaavat digitalimik inniminniisarfimmi uani. (qallunaatut) NemID atussavat.
Akiliineq
SFO-mut, fritidshjemmimut kiisalu fritidsklubbimut akit, kommunimiit kommunimut nikerarput.
Ullukkut paaqqinnitarfimmi, fritidshjemmimi, SFO-mi imaluunniit namminersortumi qitornatit arlallit paarineqartarpata qatanngutigiinnut tapiissummik pisinnaatitaavutit. Taanna naapertorlugu ataatsip paaqqinniffia akisuneq tamaat akilertariarlugu, sinneri akikinnerit affaannarmik akilerneqartarput. Qatanngutigiinnut tapiissut ingerlaannaq ilanngaataasarmat qanoq iliuuseqartariaqanngilatit.
Annikitsuaqqamik isertitaqaruit, ilaannakuusumik imaluunniit akeqanngitsumik qitornavit paaqqinnittarfimmiissinnaaneranut qinnuteqarsinnaavutit. Taanna pillugu uani atuarit; borger.dk.