Atuanngiffeqarnermi akeqanngitsumik angalaneq

Danmarkimi ilinniagallit atuanngiffimminni ukiumut ataasiarlutik angalanissaminnut Namminersorlutik Oqartussaniit akiliunneqarnissaminnut qinnuteqarsinnaapput. Angalanissap akiliutsinnissaanut qinnuteqataata piumasaqaatai eqquutsissimagukkit tassunga bilitsissat kingusinnerpaamik aallarnissat sapaatip akunnerinik sisamanik sioqqullugu inniminnissavat, billetsilu tassaassalluni ”akikinneq”.

Imatut iliussaatit – iliuutsit tulleriiaarlugit

1. Uani immersugassaq immersoruk.

2. Piffissami qaangiuttumi Ilinniarninnut uppernarsaat ilanngullugu ilinniarninni siunnersortigisannut nassiutissavatit.

3. Angalanissat akuersissutigineqarpat billetsimik inniminniinissannut ilitsersuummik nassinneqassaatit.

4. Billetsissat nammineq inniminnissavat.

Angalanissannut qinnuteqaatit siunnersortit tigugunikku uppernarsaammik nassissavaatsit. Qinnuteqaativit tigusimaneranut uppernarsaammik tigusaqanngikkuit qinnuteqaatit siunnersortinit tiguneqarsimassanngilaq. Taamaammat eqqaamajuk: Qinnuteqanngikkuit = billetsimik tunineqassanngilatit.

Angalanerit allat

Allanik pissuteqarlutit angalassaguit immersugassaq taanna aamma Kalaallit Illuutaanni siunnersortinut nassiutissavat, sukumiinerusumik paasissutissat ilanngullugit. Assersuutigalugu tassaasinnaavoq qanigisap toquneranut atatillugu angerlamut angalaneq.

Atuanngiffimmi akeqanngitsumik angalaneq pillugu uani atuarit; sunngu.gl.