Namminersorlutik Oqartussanit ilinniagaqarnermi akiligassarsiat

Ilinniagaqarnermi akiligassarsiat tassaapput ilinniagaqarnerpit nalaani akiligassarsiassatut qinnuteqaatigisinnaasatit. Ilianniagaqarnerit naammassigukku akiligassarsiat utertinneqassapput.
Kingusinnerpaamik ilinniagaqarnerpit naammassineraniit ukioq ataaseq qaangiuppat akiligassarsiatit akilersulissavatit. Ilinniagaqarnersiutitit unippata ilinniagaqarninni akiligassarsiat ernialersorneqalertarput.
Namminersorlutik Oqartussaniit ilinniagaqarnermi akiligassarsiat assigiinngitsut marluk qinnutigineqarsinnaapput.

Ataasiaannarluni akiligassarsiat

18-inik ukioqalereernikuuguit ilinniagaqarnerpit nalaani 10.000 koruuninik akiligassarsisinnaavutit. Danmarkimi SU-mik pisartagaqaraluaruit kiisalu Nunatsinniit immikkut stipendiatut pisartagaqaraluaruit, taakkua ataasiaannarluni akiligassarsiat qinnutigisinnaavatit.

Semesterip ingerlanerani akiligassarsiat

Semesterip ingerlanerani semesterimi ataatsimi 6.000 koruuninik akiligassarsisoqarsinnaavoq (upernaakkut semesteri: 1. januaari-31. juuli. Ukiaanerani semesteri: 1. aggusti-31. decembari). Semesterimi akiligassarsiassannik taamaallaat qinnuteqarsinnaavutit, ilinniagaqaqqittuuguit kiisalu Nunatsinniit immikkut stipendiamik pisartagaqaruit.

Namminersorlutik Oqartussanit ilinniagaqarnerup nalaani akiligassarsiat pillugit uani atuarit; sullissivik.gl.