Ilinniarnerup aallartinnera
Ilinniarnerit aallartikkuku suut tamarmik nutaajullutik paasiniagassat amerlassaqaat. Taamaammat quppersagaq Check In Kalaallit Illuutaasa sananikuuaat, tassanilu suut tamaasa pillugit atuarsinnaavutit. Taanna nassaariuk uani.
Atuakkat ilinniakkamut tunngasut
Ilinniarnerit aallartikkukku atuakkat ilinniarnerup ilaani (pensum) pisariaqartitatit pisiarisariaqarpatit. Tamanna akisusinnaasarpoq, ilinniakkammi ilaanni atuagassat tuusintinik amerlasuunik akeqarsinnaasarput. Aningaasartuutissatit ikilisarlugit atuakkanik atornikunik nassaarniarsinnaavutit, soorlu DBA.dk aqqutigalugu, atornikuerniarfinni imaluunniit internetsikkut naapittarfiit aqqutigalugit. Nittartagaq pensum.dk aamma ujarlerfissaqqittuuvoq. (qallunaatut)
Attaveqaqatigiit
Iluartunik attaveqaqateqartarneq Danmarkimi inissilluarnissamut iluaqutaalluartarpoq. Ilinniarfinni amerlanerni ilinniaqatigiittartut pilersinneqartarput. Kalaallit Danmarkimi ilinniartut peqatigiiffiat – Avalak, ilaasortanngorfigissanerlugu aamma eqqarsaatigisinnaavat. (qallunaatut)
Københavnimi inuusuttut caféat ILIK aamma atorluarsinnaavat. (qallunaatut)
Danmarkimi kalaallit peqatigiiffii ilaasortanngorfigisinnaasatit amerlaqaat. Kalaallit Danmarkimiittut ilagalugit erinarsoqataasalerusukkuit imaluunniit arsartalerusukkuit periarfissaqarputit.
Ilinniarnerup nalaani maluginiagassat eqqumaffigisassallu pillugit studerende online amerlaqisunik isumassarsiorfissaqarpoq. (qallunaatut)
Pakkut og Periarfissat
Pakkut tassaavoq kalaallinut Danmarkimi ilinniartunut neqeroorut. Pakkut aqqutigalugu ilinniarnermi soraarummiilernermilu periusaasinnaasut pillugit pikkorissarnerit malinnaafigisinnaavatit kiisalu kalaallinik Danmarkimi ilinniartunik naapitaqarlutit. Taanna Københavnimi Odensemilu Kalaallit Illuutaasa suleqatigiillutik ingerlataraat.
Taanna pillugu uani atuarit.
Projekt Periarfissat tassaavoq Jyllandip qeqqani regionimi kalaallinut ilinniartunut ikiorsiissut. Taanna aqqutigalugu assigiinngitsutigut ikiorneqarsinnaavutit, ilinniarnerup aallartinnissaanut ilitsersorneqarlutit, tapersersortissamik mentorimik attaveqarsinnaallutit, qallunaat oqaasiinik ilinniarlutit, ilinniagassanut ikiortissarsiorlutit imaluunniit oqaloqatissaqarniarlutit attaveqarfigisinnaavat.
Taanna pillugu uani annertunerusumik atuarit.