Kalaallit Illuutaat

Danmarkimi ilinniartuuguit immikkullu pisartagaqarlutit immaqalu Namminersorlutik Oqartussaniit ilinniarnersiuteqarlutit, taava Kalaallit Illuutaat ilinniarfigisannut qaninneq nalinginnaasumik attaveqarfigilissavat.

Kalaallit Illuutaanni ilinniartunut siunnersortinut illit nammineq saaffiginninnisat piumasaqaataavoq.

Kalaallit Illuutaasa ilinniarfiit suleqatigalugu ilinniarnerpit ingerlanera ingerlaavartumik nakkutigisassavaat, ilinniarnerpillu ingerlaneranut atatillugu aalajangiisinnaatitaallutik.