Menu

Ilinniariartussaguit uppernarsaatissatit

Danmarkimut ilinniariartussaguit immikkut eqqumaffigisassannik pappiaraqarpoq nassatassannik.

Uppernarsaatit pinngitsoornak qinnuteqaatinnut ilanngullugit nassiussassatit:

• Illit aappavillu kuisinnermut/atserneqarnermut uppernarsaatisi imaluunniit katinnermut uppernarsaat

• Najugarinikuusannut uppernarsaat

• Soraarummeernermut uppernarsaat imaluunniit karakterinut uppernarsaat kiisalu ilannguneqarsinnaalluni piginnaasaqarnermut oqaaseqaat

• Immikkut akuerineqarluni qinnuteqaat

• Ilinniarfissannut qinnuteqaatip assilinera

Qitornaqaruit - eqqaamasassatit

• Qitornavit immikkut tamarmik kuisinnermut imaluunniit inunngornermut uppernarsaataat

• Ataanermut uppernarsaat

• Tapiissutigisassattut aaqqiinermut uppernarsaat, taama ittumik peqaruit

Najugarinikuusannut uppernarsaat

Inuunerit naallugu sumi najugaqarnikuuninnut uppernarsaat.

Taanna uani aasinnaavat; Det Centrale Personregister. (qallunaatut)

NemID piginngikkukku najukkanni innuttaasunik sullissivimmut imaluunniit nunaqarfimmi allaffimmut nammineq ornigullutit saaffiginnissaatit. Eqqaamasassat tassatuaavoq inuttut CPR-normut.

Najukkat allanngortittarneri

Danmarkimi ilinniartuuguit immikkullu pisartagaqarlutit kiisalu/imaluunniit Namminersorlutik Oqartussaniit ilinniarnersiuteqarlutit allami najugaqaleruit imaluunniit nutaamik mailadresseqaleruit, tamatuma Kalaallit Illuutaannut attaveqarfinnut nalunaarutiginissaanut pisussaatitaavutit. Kalaallit Illuutaanniit attaveqarnerup annersaa mailit aqqutigalugit ingerlanneqartarpoq, taamaammat allami najugaqalernerit nalunaarutiginngikkukku immikkut pisartagarisassatit tigunngitsoorsinnaavatit.