Inuit nalunaarsorneqarfiat/Folkeregistret
Danmarkimut nuukkuit najukkat folkeregisterimi allanngortinneqassaaq. Siusinnerpaamik aallarnissat sap.ak. sisamanik sioqqullugu kiisalu kingusinnerpaamik Danmarkimut apuunnermiit ullut tallimat qaangiutsinnagit najukkat allanngortissimasussaavat.
Isertitannik ikisiffissamik NemKontoqalerniarlutit najukkat folkeregisterimut nalunaarutigereernikuussaaq. Nuunnippit nalunaarutiginissaa puigorukku akiliisitaasinnaavutit.
Kommunet ilaanni najukkat folkeregisterimut internetsikkut toqqaannartumik nalunaarutigisinnaavat. Kommunerisanni malittarisassat uani takukkit; borger.dk. Najugarilikkavit folkeregisterimut nalunaarutiginissaanut NemID nammineq pigisat atortariaqarpat. (qallunaatut)
Digitalimik nuunneqarnissat Danmarkimi kommunep neqeroorutiginngippagu tikinnerpit kingorna ullut tallimat qaangiutsinnagit kommunemi nuuffinni Borgerservicemut ornigullutit nuunnerit nalunaarutigissavat. Passit eqqaamajuk.
Najukkavit allanngortinnerani aamma nakorsamik toqqaassaatit. Danmarkimi kikkut tamarmik napparsimalernermi nakorsiarfissaminnik immikkut nakorsaqarput. Aalajangersimasumik nakorsaqanngikkuit nakorsamit ikiorserneqarnissat nakorsaaserneqarnissalluunniit ajornakusuussapput. Najukkannut qanittumi nakorsat allattorsimaffii uani takusinnaavatit: sundhed.dk. (qallunaatut)
Najukkat nalunaarutigereerukku peqqinnissamut kortimik sungaartumik nassinneqassaatit. Taanna siunissami peqqinnissaqarfimmut saaffiginninnermi tamatigut nassartassavat. Peqqinnissamut kortimik peqanngikkuit nakorsiaraangavit nakorsamut akiliisassaatit imaluunniit inunnut ajornartorsiortunut ikiuuttartut aqqutigalugit peqqissaavimmik nassaartariaqassallutit.
Sumi najugaqassanerlutit nalugukku
Kalaallit Nunaanniit aallartinnak najukkanniit anillutit nalunaaruit Danmarkimiileruit suut tamarmik ajornannginnerussapput. Tamanna naammassisinnaavat kommunep innuttaasunut sullissiviani nuunnermut immersugassaq atorlugu. Imersugassami ”Sumut nuunneq – Najugaq” tassani allallutit ”Aalajangersimasumik najugaqanngilanga".