Menu

Ilinniartuuguit

Dannarkimut ilinniariartussaguit assartugassanik nassarsinnaatitaalluarsinnaavutit. Qitornaqarnersutit imaluunniit aalajangersimasumik aappaqanersutit (aamma ilinniartussamik), kiisalu ilinniarnissavit qanoq sivisutiginissaa, malittarisassani apeqqutaatinneqarput. Namminersorlutik Oqartussat nutsernermut isumaginnittussatut Usisaat toqqarnikuuaat.

Ilinniartut qitornallit ilinniarnertik aallartikkaangat ilinniagartillu naammassereerlugu Nunatsinnut uternerminni, assartugassanik 5,5 kubikmeterinik nassarnissaannut aallaaviusumik tapiisoqartarpoq, umiarsuakkut containerimik imaluunniit immikkuutitaarlugit nassiussassanik. Tamatumanili minnerpaamik qaammatini arfinilinnit sivisunerusumik ilinniarnissaq. Ilaqutariit angalanerat assartugassallu matussuserneqarnissaannut qinnuteqannginnermi, Danmarkimi sumi ineqarnissaq isumagineqareersimasussaavoq. Inissannik nassaaruit, attartornissaanut isumaqatigiissutip assilinera Kalaallit Illuutaanni attaveqarfigiligassanni, ilinniartunut siunnersortimut nassiutissavat.

Kisimiittuuguit qitornaqarnallu ilinniarnerit naammassigukku assartugassannut taperneqarsinnaavutit.

Malittarisassat uani atuakkit; sunngu.gl.

Danmarkimi Kalaallit Illuutaat attaveqarfigiligassat attavigiuk. Assartugassatit taakku akuerisussaavaat.