Uppernarsaatit pingaarutillit

NemID digitalimik kinaassutsimut uppernarsaataavoq, Danmarkimullu nuukkuit pinngitsoorneqarsinnaanani.

Aaqqitassat amerlaqisut pillugit nammineq internetsikkut iluarsisarnissaat sungiuttariaqarpat. Tamatumunnga NemID atortussaavat.

Uppernarsaaterpassuit allat iluarsaattussaavatit. Taakkua uani naatsumik allattorneqarput. Ataani boksit arlaat toorlugu assigiinngitsut paasisaqarfigisinnaavatit.

Kalaallit Nunaanniit aallartinnak

1. Politistationimi passimik pisigit. Kuisinnermut/atserneqarnermut uppernarsaatit assilinerinngisaat passitaarnermi atussavat.

2. NemID-mik peqariinngikkuit inniminniigit. Passi imaluunniit kørekorti atussavat.

4. Sumi najugaqarnissat nalunngikkukku aallarnissat sap.ak. sisamanik sioqqullugu inuit allattorsimaffianni najukkat nalunaarutigisinnaavat.

5. Nunatsinni aningaaserivimmi kontot iluarsereersimanngikkukku NemKontotut atugassanngortiguk.

Danmarkimut apuutereeruit

1. Inuit allattorsimaffiannut najukkat ivertiguk peqqissutsimullu allagartamik nassinneqarlutit.

2. NemKonto pilersiguk, akissarsiannut, Ilinniarnersiutinut imaluunniit inunnik isumaginninnermut atatillugu pisartakkanut atugassat.

3. Siusinaaruik akissarsiatit Skat-imut nalunaarutigikkit, skattekortimik piniassagavit.

Ullut tallimat siulliit

Ingerlaannartumik NemID-p atuutsilernissaa isumagiuk.

Danmarkimut nuunnermiit kingusinnerpaamik ullut tallimat qaangiutsinnagit inuit allattorsimaffiannut/Folkeregisterimut nuunnerit nalunaarutigissavat. Najukkavit nalunaarutiginerani aamma nakorsarisassannik toqqaassaatit peqqinnissamullu atugassat sundhedskort pissallugu. Taanna pinngikkukku nakorsiarsinnaanallu nakorsaatinik pisinnaanngilatit.

NemID piginngikkukku kommunemi najukkanni Borgerservice saaffigissavat.