Timmisartumut billetsit

Air Greenlandimut ilaallutik amerlanerpaat Danmarkiliartarput. Siusinaarlutit billetsinik inniminniiguit isumatusaassaatit – tavami billetsit akikinnerpaat angumerisinnaassagakkit. Billetsit assigiinngitsut assigiinngitsunik periarfissiisarput (billetsit aappalaartut), allanngortinneqarsinnaanngitsut, kiisalu flex billetsit (qorsuit), aallarnissaq akunnernik marlunnik sioqqullugu allanngortinneqarsinnaasut. Takuss’ billetsit akikinnerpaajupput.

Takuss’-imik imaluunniit nalinginnaasumik billetseqaruit 20 kilonik nassataqarsinnaavutit kiisalu 8 kilonik tigummiaqarsinnaallutit. Tigummiaavit apuuffissavit tungaanut tigummiarnissaat oqimaalutaanermi qulakkeeruk. Billetsissat uani inniminnersinnaavat: airgreeland.gl. 

Island aqqusaarlugu aamma Iceland Air atorlugu timisartorsinnaavutit, taakkua Kusulumut, Ilulissanut, Narsarsuarmut kiisalu Nuummut angallassisarput. Uani billetsinik ujarlersinnaavutit: airiceland.com.  Air Iceland atorlugu timmisartoruit, Reykjavikimiit Københavnimut ingerlaqqinnissat nammineq immikkut inniminnertussaavat.