Kalaallit naalagiaqatigiittarneri
Danmarkimi kalaallit marlunnik palaseqarput:
Maannguaq (Manguaq) Dalager, Namminersorlutik Oqartussanit atorfinitsitaq kiisalu Marianne Lynge Krog, kalaallinik Danmarkimi najugaqavissunik sullissisussatut Kirkeministeriap atorfinitsitaa.
København
Qaammatit tamaasa sapaat siulleq nal. 14 Københavnimi Helligåndskirken-imi Strøgemiittumi kalaallisut naalagiaqatigiiffiusarpoq. Naalagiartoqareeraangat ileqquuvoq peqatigiiffiit assigiinngitsut Kalaallit Illuutaanni kaffillertarnerat. Nalliuttuni aamma kalaallisut naalagiartoqartarpoq. Naalagiarfissat ullui takukkit uani.
Nunap sinnerani
Marianne Lynge Krog-ip isumagisarpai Danmarkimi sumiiffinni tamani kuisitsinerit, apersortitsinerit, katinnerit, eqqaaniaanerit/ilisinerit kiisalu makkunani kalaallit peqatigiiffii peqatigalugit naalagiartitsisarluni:
- Vor Frue Kirke i Aarhus, (ukiumut minnerpaamik marloriarluni naalagiarnerit, poorskimi juullimilu)
- Thomas Kingos Kirke i Odense,
- Vor Frue Kirke i Vordingborg,
- Zions Kirke i Esbjerg
- Hans Egedes Kirke i Aalborg
Naalagiartoqareeraangat sumiiffinni Kalaallit Illuutaanni peqatigiiffiit assigiinngitsut kaffillertarput. Kalaallit Illuutaat allat misissukkit
Tarnikkut aliasuuteqarneq
Kalaallit palasiat utoqqalinersiuteqalersoq, Emma Balslev, tarnikkut aliasuuteqartunik oqaloqatiginninnissamik neqerooruteqartarpoq. Soqutiginnikkuit uani attaveqarfigiuk Odensemi Kalaallit Illuutaat. Naalagiarfissat ullui takukkit. Annerusumik atuarit uani.