Danmarkimi ilinniartuuneq

Danmarkimi ilinniartuuguit, Kalaallit Illuutaannut ilinniarfinnut qaninnermut attaveqalissaatit. Ilinniartuuninni ilinniartunut siunnersuisunit siunnersorneqarnissat ilitsersorneqarnissallu noqqaassutigisinnaajuassavat, apeqqutit ilinniarninnut imaluunniit inuttut inissisimanermut, iliuuserisassanut imaluunniit inuttut namminermut tunngasuungaluarpataluunniit.

Københavnimi Kalaallit Illuutaanni Namminersorlutik Oqartussat sinnerlugit kalaallit ilinniarnersiutaannut tunngasut allaffissornikkut isumagineqartarput, taamaalilluni atuanngiffeqarnermi angalanissamut akiliunneqarnissaq aamma Kalaallit Illuutaasa allaffissornikkut isumagisarpaat.

Danmarkimi Kalaallit Illuutaasa quppersagaq "Check-In" naqitertinnikuuaaat, paasissutissallu pisariaqartitatit tamaasa tassani nassaarisinnaavatit. Taanna uaniippoq.

Ilinniartunut neqeroorutit

Neqeroorutit arlallit kalaallinut inuusuttunut Danmarkiiittunut sammisuupput.

Københavnimi Café ILIK tassaavoq, inuusuttut Københavnimi naapittarfiat, sap.ak. marloriarluni ammasartoq. 

Avalak tassaavoq kalaallit Danmarkimi tamani ilinniagaqartut peqatigiiffiat. Illoqarfinni annerni Avalak imikkoortortaqarpoq, peqatigiiffimmilu suleqataaneq nuannersinnaallunilu pissanganarsinnaavoq.

Pakkut aamma Periarfissat tassaapput, kalaallinut ilinniagaqartunut neqeroorutit Kalaallit Illuutaannit ingerlanneqartut.

Ikiortissannik pisariaqartitsiguit, mentorimik tapersersorteqarnissat eqqarsaatigisinnaavat. Københavnimi, Aarhusimi Odensemilu Kalaallit Illuutaat mentormik tapersersorteqarnissamik aaqqissuussaqarput.