Ineqanngineq imaluunniit angerlarsimaffeqannginneq
Danmarkimi sumiiffinni amerlaqisuni, ingammilli illoqarfinni annerumaani, najugaqarfeqanngitsoqarlunilu angerlarsimaffeqanngisoqarpoq.
Inuuninni ingerlaqqikkusullutit imaassinnaavoq najugassaaleqisutit imaluunniit siunnersortissaaleqillutit. Kommunit amerlaqisut angerlarsimaffeqanngitsunut neqerooruteqartarput. Kommunit annerit qanoq neqerooruteqarnersut talerperlermi karsiusami takukkit.
Tamakku saniatigut sumiiffinni amerlaqisuni kalaallit atugarliortut immikkut sulissunniarneqarput. Soorlu Københavnimi Kofoeds Skole, Naapiffik-mik kiisalu kalaallinut arnanut najugaqarfimmik Miteq-mik ingerlatsisoq. Aarhus-imi naapittarfik ateqarpoq Naapiffik, taannalu Kirkens Korshær-imit Aarhus Kommune peqatigalugu ingerlanneqarluni. Aalborg-imi Kalaallit Illuani naapittarfeqarpoq ”Tamatta”-mik atilimmik Kofoeds Skolemilu aamma naapittarfeqarluni.
Reden tassaavoq København-imi, Aarhus-imi, Odense-mi Aalborg-imilu arnanut aanngaajaarniutinik atornerluisunut imaluunniit atortittartunut neqeroorut.
Danmark-imi angerlarsimaffeqanngitsunut neqeroorutit pillugit aamma uani atuarit: sullissivik.gl.