Aanngaajaarniutinik atuineq

Illit nammineq ilaquttavilluunniit ilaat imigassamik allamilluunniit aanngaajaarniummik ajornartorsiuteqarpat kommunerisannut saaffiginnissinnaavutit.

Imigassamik atornerluineq pillugu kommunemut saaffiginnikkuit ullut 14-it qaangiutsinnagit katsorsartinnissannut kommunep innersuuttussaavaatit.

Nammineq nakorsarisat aamma saaffigisinnaavat, taassumalu taava katsorsartinnissannut innersuutissavaatit.

Kommune najukkat sunik neqerooruteqarnersoq sundhed.dk-mi takusinnaavat. Assersuutigalugu imigassaq pillugu ’alkohol’ imaluunniit atornerluineq ’misbrug’ ujarliutigikkit. 

Katsorsarneqarusukkuit imaluunniit katsorsarneqartarialimmut qanigisaaguit sumi siunnersorneqarsinnaanerlutit sumullu saaffiginnissinnaanerlutit Kalaallit Illuutaanni inunnik isumaginninnermut immikkoortortaqarfiit saaffigisinnaavatit.