Suliffissarsiorneq

Danmarkimi suliffissarsiorneq ajornakusoorsinnaasarpoq. Taamaammat Danmarkimut aallartigani suliffissarsiulernissaq isumatusaarneruvoq.
Ilinniarnikuusavit Danmarkimi atorneqarsinnaanera paasiniarnissaa pingaaruteqarpoq. Ilinniagaqarnikuunngitsunut atorfinnut amerlaqisunut, pikkorissarnerni pisinnaasanik "certifikatinik" piumasaqaateqartarput. Suliannut atatillugu peqatigiiffimmut ilaasortaaguit, suliannut attuumasumik Danmarkimi atorfinissinnaanerlutit paasiniarsinnaavat. Qallunaat oqaasiinut pikkorissarnissaq aamma isumatusaarneruvoq.

Makkua angunikuunngikkukkit Danmarkimi suliffissarsiorneq ajornakusoorsinnaavoq:

• ilinniagaqarnikuuneq

• qallunaatut oqalussinnaaneq

• ikiortigisinnaasannik attaveqarfigisaqarneq.

• Danmarkimi suliffeqanngikkuit, suliffeqanngitsutut Jobcenterimut nalunaassaatit.

Sulinngikkallarneq/Orlov

Maanna atorfigisanniit sulinngikkallarnissat qinnuteqaatigigukku isumatusaarnerussaaq. Taamaalillutit Nunatsinnut uteruit suliffissaqarnissat qulakkiissavat. Atorfinnut atatillugu peqatigiiffimmut ilaasortaaguit, pisinnaatitaaffitit periarfissatillu pillugit taakkua oqaloqatigisinnaavatit.