Sulinngiffeqarneq allatullu ullut sulinnginnerit

Sulinngiffeqarfik ullullu sulinngiffiit

Danmarkimi sulinermi akissarsiaqarluni sulinngiffeqarnissamut katersisoqartarpoq. Sulinngiffeqarnermut inatsit atorfininnermilu piumasaqaatit qanoq katersaqarnermut apeqqutaasarput. Taakkua ukununnga atuupput

• akissarsiaqarlutit suliguit

• suliffeqanngikkuit napparsimanersiuteqarlutillu imaluunniit suliffeqanngininni kattuffinniit allatut pisartagaqaruit.

Sulinngiffeqarnissat pillugu siusinaarlutit pisortarisat isumaqatiginiassavat. Qaqugukkut qanorlu sivisutigisumik sulinngiffeqarsinnaaneq pillugu malittarisassaqarpoq.

Sulinngiffeqarneq pillugu malittarisassat borger.dk-mi sukumiinerusumik atuarsinnaavatit. (qallunaatut)

Piffissani assigiinngitsutigut suliffeqarneq/Fleksjob

Fleksjob atorlugu atorfininnikuuguit sulinngiffeqarnissannullu katersaqarnikuunak, taava immaqa suliffeqanngikkallartutut pisartagaqarsinnaavutit. Tamanna borger.dk aqqutigalugu qinnutigisinnaavat  (qallunaatut). Qinnuteqarninni NemID atussavat.

Napparsimaneq

Akissarsiaqarlutit sulisaruit napparsimallutilli sulisinnaajunnaaruit ajutoorsimaguilluunniit, taava napparsimanermi ullormusianik pisarsinnaavutit. Napparsimaninni ullormusiaqassaguit, malittarisassat assigiingitsut naammassisimasariaqarpatit. Napparsimanermi ullormusiat pillugit borger.dk-mi atuarsinnaavut. (qallunaatut)