Danmarkimi suliffeqannginneq
Danmarkimi suliffeqanngikkuit kommunimi jobcenterimi suliffissarsiortutut allatsissaatit.
Danmarkimi suliffissaqalersut tamarmik eqqumaffigineqarput. Sulittaarnissannut imaluunniit misilittaanissanut piareersimanersutit Jobcenterip nalilissavaa. Suliffittaarnissannut imaluunniit misilittaanissannut piareersimanersutit apeqqutaatillugu assigiinngitsunik pisussaatitaallutillu noqqaavigineqarsinnaavutit.
Suliffissaqannginerup nalaani suliffeqanngitsutut ullormusianik imaluunniit pisortanit ikiorsiissutinik pisartaqarsinnaavutit. Pisussaatitaaffitilli naapertorlugit noqqaavigineqaruit aningaasanik pissaguit tamanna pinngitsoornak naammassisussaavat.
Suliffissarsiortinnak CV nutartigaq piareersimatittariaqarpat. Tamatuma torersumik aaqqissuunnissaanut internetimi ilitsersuutissaqarpoq. CV-t allannissaannut pikkorissarnerit Kalaallit Illuutaannit ilaatigut aaqqissuunneqartarput.