Suliffittaanngikkuit

Danmarkimi suliffissaaleqiguit, kommunemi najukkanni jobcenteri suliffeqanngitsutut nalunaarfigissavat. Jobcenteri saaffissat uani nassaarisinnaavat; jobnet.dk. (qallunaatut)

Jobnetimi quppernermi uani suliffissaaleqisutut nalunaarfissat pillugu annertunerusumik atuagaqarsinnaavutit. (qallunaatut)

CV-t immersorlugu ilaatigut tassunga ivertissavat. Qanoq iliornissat atuarsinnaavat uani. (qallunaatut)

Kikkut tamarmik suliffeqarnissaat Danmarkimi eqqumaffigineqarpoq. Suliffittaarnissannut imaluunniit suliaqartitaanissannut piareersimanersutit, Jobcenterip nalilissavaa. Suliffittaarnissannut imaluunniit suliaqartitaanissannut piareersimanersutit apeeqqutaatillugu, assigiinngitsunik iliuuseqartariaqarlutillu piumasaqarfigineqassaatit.

Jobcenterimi makkua angusinnaavatit:

• suliffissaaleqisutut nalunaarsuiffimmi ilanngunneqarlutillu peerneqarsinnaavutit

• suliffittaarsinnaaneq attaveqarfigisariaqakkallu pillugit oqaloqatigiinnissamut aggeqqusaasinnaavutit

• suliffissarsiornissannut pilersaarusiorsinnaavutit

A-karsimut ilaasortaaguit, ullormusianik pisartagaqarsinnaavutit. A-karsimut ilaasortaanngikkuit, kommunemiit ikiuutinik pisartagaqarsinnaavutit. Suliffissaaleqisutut imaluunniit ikiuutinik pisartagaqalissaguit, jobcenterimiit piumasaqaatit pinngitsoornak naammassisussaavatit.