Danmarkimi suliffeqarneq
Danmarkimi suliffeqarnermi pissutsit ilaatigut Kalaallit Nunaannit allaanerulaarput. Sapaatip-akunneranut akunnerni 37-ni sulisoqartarpoq, allallu aamma illit sungiusimasannit allaanerusumik ingerlasinnaallutik.
Kalaallit Nunaannisulli Danmarkimi suliffeqarfinni amerlanerni sulisitsisut sulisartullu isumaqatigiissutaat tunngavigineqarput, taamaammallu illit piginnaatitaaffitit isumaqatigiissummiit isumaqatigiissummut allanngorarlutik. Assersuutigalugu ullup qeqqasiorneq akilerneqarsinnaavoq imaluunniit akissarsissutaasussaanani. Oqartussaqarfinni imaluunniit namminersortuni sulineq annertuumik assigiinngissuteqarsinnaavoq.
Danmarkimi suliffittaaruit quppernerni ukunani paasissutissat iluaqutigisinnaavatit.