Menu

Inatsisitigut ikiorsiiviit

Danmarkimi akeqanngitsumik inatsisinut atatillugu siunnersorneqarnissamut arlalinnik periarfissaqarpoq.

Kalaallit Illuutaat aqqutigalugit inatsisitigut ikiorsiiviit

Københavnimi Aarhusimilu Kalaallit Illuutaat inatsisilerituunik tunuarnikunit akeqanngitsumik ikorneqarsinnaaneq neqeroorutigisarpaat. Eqqartuussissuserisut ikiorsiisarneranniit taakkua allaanerussutigaa suliassanik annikitsunik ikiusinnaanerat, ass. allakkanik allannernik.

Københavnimi Kalaallit Illuutaanni inatsisitigut ikiorsiivik

Aarhusimi Kalaallit Illuutaanni inatsisitigut ikiorsiivik

Eqqartuussissuserisut pigaartut

Eqqartuussissuserisut pigaartut tassaapput akeqanngitsumik innuttaasunut tamanut inuttut inatsisitigut siunnersortinik pisariaqartitsisunut neeroorut. Eqqartuussissuserisup pigaartup qanoq inissisimanerit sukkasuumik naliliivigisinnaavaa, kisiannili suliassaq ilinnut tunngasoq ingerlateqqissinnaanagu.

Danmarkimi Eqqartuussissuserisutut pigaartuusartut 80-it sinneqarput. Taakkua Danmarkimi sumiiffinnut tamanut siaruaannikuupput. Eqqartuussissuserisutut pigaartut sianerfigineqarsinnaanngimmata illit nammineq orniguttariaqarputit. Sumiiffimmiit sumiiffimmut taakkua ammasarfii allanngorarput. Taakkua allattorsimaffii uani nassaarisinnaavatit. http://www.advokatvagterne.dk/content/listen-over-advokatvagter

Pisortaqarfinnit eqqartuussissuserisunik ikiorsiiviit

Suliassanut immikkut ittunut atatillugu, soorlu meeqqanik arsaarinninnernut atatillugu eqqartuussissuserisuniit ikiorserneqarnissaq pisortaqarfiit neqeroorutigisarpaat. Tamanna pillugu uani atuarit: borger.dk