Kalaallisut oqalutsit

Oqaatsit sammisanut aalajangersimasunut tunngasut atorneqartillugit paatsoortoqariaannaasarpoq. Kommunemut, eqqartuussissulerisumut, nakorsamut kigutilerisumullu saaffiginninnermi, oqalutsimik pisariaqartitsilersinnaavutit.

Ataatsimiinnissat ilaanni oqalutsimik ilaqarnissat nammineq isumagisussaassavat. Ilaannili oqartussaqarfiup imaluunniit saaffiginniffissap oqalutseqarnissaq isumagisussaasarpaat.

Kalaallisut oqalutsit Kalaallit Illuutaat aqqutigalugit saaffigineqarsinnaapput.

Oqalutsimik nassaarniarneq ullunik arlalinnik sivisussuseqarsinnaavoq. Taamaammat sioqqutsilluarlutit oqalutseqarnissat qinnutigisariaqarpat – imaluunniit misissortittussanngorniaruit imaluunniit oqaloqateqartussanngoriaruit tamanna isumagisariaqarpat.

Oqalutsimik kina ujarlissava?

• Kommunemi oqaloqateqarnerit - innuttaasup oqaloqateqannginnermini sullissisussaq oqalutsimik ujarleqqullugu qinnuigissavaa.

• Nakorsiarnermi – sygesikring aqqutigalugu nakorsaq oqalutsimik pissarsissaaq.

• Eqqartuussinerni - eqqartuussivik nammineerluni oqalutsimik pissarsissaaq.

Pinerluuteqarnernut atatillugu unnerluussaq tamatigut oqalutseqarnissaminut pisinnaatitaavoq.

Inuit nalinginnaat akornanni saqitsaannerni, oqalutsimik pisariaqartitsinerit nammineq oqaatigissavat.