Ilinniartunut inissiat

Danmarkimi init assigiinngitsut pingaarnertut ilinniartunut inissiaapput, ass. kollegiani ineeqqat imaluunniit inuusuttunut inissiat.

Arlaanni ilinnialernissannut akuerineqarninni, kollegiami ineqarnissat qulakkeerneqanngilaq.

Efterskolit, højskolit kiisalu inuussutissarsiornernik ilinniarfiit ilaat inissaqartitsisarput. Ilinniaqqissaguit kollegiami allamiluunniit inissat nammineq isumagisussaavat.

Ilinniarfissat amerlanersaat ukunaniipput; København, Aalborg, Aarhus, Odense imaluunniit Region Syddanmark. Aggustimi septembarimilu inissarsiorneq assut ajornarsinnaasarpoq. Taamaammat piaarnerpaamik kollegiami allamiluunniit inissannik ujarlilertariaqarputit.

Nalinginnaasumik ineeqqat pisataqarneq ajorput.

Illoqarfinni assigiinngitsuni ilinniarnissannik qinnuteqaruit, illoqarfinni taakkunani tamani inissarsiornissat isumatusaarnerussaaq. Ini neqeroorutigineqartoq atussanngikkukku tamatuma piaarnerpaamik nalunaarutiginissaa pingaaruteqarpoq. Ini taanna allat atorfissaqartissinnaavaat.

Ilinniarnermi inissiamik pissarsisinnaanermut periarfissat kommunemi sorlermiinneq apeqqutaassaaq. Assersuutigalugu Københavnimi sivisuumik utaqqisoqartartoq, illoqarfinni allani ilinniartut ineqartinnissaannut qularnaveeqquteqartoqartarpoq.

Inissarsiorninni imaluunniit immikkut kalaallit ilinniartut periarfissaat pillugit aalajangersimasunik apeqqutissaqaruit, Danmarkimi Kalaallit Iluutaanni ilinniartunut ilitsersuisartut/uddannelsesvejledere attaveqarfigikkit.