Danmarkimi SU (ilinniagaqarnersiutit)

Danmarkimi ilinniarnissannut akuerisaaguit Danmarkimi SU qinnuteqaatigisariaqarpat. SU tassa Statens Uddannelsesstøtte (Naalagaaffimmiit ilinniarnersiutit.
Ilitsersuutit paasissutissallu uani nassasarisinnaavatit: su.dk sunaanersoq, SU-millu piniaraanni piumasaqaatit tassani atuarsinnaavatit.

Danmarkimi SU-mik pisaraluaruilluunniit saniatigut immikkut tapisianik Namminersorlutik Oqartussanut qinnuteqarsinnaavutit. Taakkua ass. atuanngiffeqarnermi angalanermut kiisalu atuakkanut akiligassanut matussutissaasinnaapput.

Eqqaamassavat SU-mik pisartagaqassaguit, ukiut tamaasa Skat-imut siusinaarlutit isertitannik nalunaarsuisarnissat maluginiartariaqarpat. Tamanna pillugu Kalaallit Illuutaanni ilinniartunut siunnersortit oqaloqatigisinnaavatit imaluunniit uani annertunerusumik atuarit; groenlandskehus.dk.

Kalaallinut Danmarkimi ilinniagaqartunut Nunatta Danmarkillu akornanni marloqiusamik akileraartarneq atuutissaaq. Tamatuma kinguneranik, akileraartariaqarnerpit tungaanut Danmarkimi ilinniartuniit allaniit annertunerusumik akissarsiaqarsinnaavutit.

Danmarkimi SU-mik pisinnaanngikkuit

Danmarkimi SU-mik pisinnaanngikkuit immikkut pisartagaqarnissannut Namminersorlutik Oqartussanut qinnuteqassaatit internt link. Qinnuteqassaguit Kalaallit Illuutaanni attaveqarfigilikkanni ilinniartunut siunnersortit saaffigissavatit.