Erinarsoqatigiinnut ilanngugit

Danmarkimi arlalinnik kalaallinik erinarsoqatigeeqarpoq. Erinarsoqataasalerusukkuit taakkua arlaannut ilaasortanngorsinnaavutit, akunnerpassuarnilu ikinngutitaatit peqatigalugit nuannisartarsinnaallutit.

Erinarsoqatigiit tusaamaneqarnerpaat tassaagunarput Aavaat, ukiut 20-t sinnerlugit ingerlanikuusoq, Københavnimilu angerlarsimaffeqarluni. Aavaakkut Julehilsen til Grønland/Juullimi pilluaqqusineq peqataaffigikkajuppaat. Allanilli aamma kalaallinut erinarsoqatigeeqarpoq. Talerperlermi boksimi taakkua ilaat nassaarisinnaavatit, imaassinnaavorlu ilaat allattornikuunngitsut. Najugarisavit eqqaani erinarsoqatigeeqarnersoq Kalaallit Illuutaat attaveqarfigisat aperisinnaavat. Namminerli immaqa aamma aallartitsisinnaavutit?