Vuggestuet, børnehavet, angerlarsimaffimmi paaqqinnittartut
Vuggestue, angerlarsimaffimmi paaqqinittartut, børnehave, orpippassuarni skovbørnehave, assigiinngitsunik pisariaqartitsisunik paaqqinnittarfiit, paaqqinnittarfiit namminersortunit kommunimilluunniit ingerlanneqartut? Nunatsinni meeqqat paarineqarsinnaasunut neqeroorutiniit Danmarkimi neqeroorutit amerlaneroqaat.
Qitornavit børnehavemi imaluunniit vuggestuemi inissaqartinnissaata qanoq ajornakusoortiginissaanut Danmarkimi sumi najugaqalernersutit. Illoqarfinni annerni utaqqisorpassuaqartarpoq. Illoqarfinni allani ingerlaannarlutik inissaqartitsisarput. Taamaammat siusinaarluni tamatuma misissoreernissaa isumatusaarnerussaaq.
Børnehavet paaqqinnittarfiillu allat amerlanerit nittartagaqarput, taakkunanilu pingaartitat ulluinnarnilu ingerlaneri atuarneqarsinnaasarput. Danmarikimut nooreernikuuguit, qitornavit sorlermiittalernissaa aalajangertinnagu immaqa neqeroorutit assigiinngitsut alakkartersinnaavatit.
Amerlasuunik utaqqisoqarpat piaarnerpaamik qitornat allatsittariaqarpat. Kommunit ilaanni Danmarkimut nuunnginnerni utaqqisunut allatsereersinnaassaatit. Kommunimi nuuffigisassanni meeqqanik paaqqinnittarfiit pillugit nittartagaat atuakkit.
Meeqqerivimmi digitalimik meeqqat allatsittarfianni uani allatsissinnaavat: borger.dk. (qallunaatut) NemID atussavat.
Meeqqap paarineqarsinnaaneranut qulakkeerut
Danmarkimi meeqqap paaqqinnittarfimmi inissaqarnissaanut qulakkeeruteqarpoq. Tamatuma kinguneranik qitornavit inunngorneraniit sapaatip-akunneri 26-t qaangiunneranniit naleqquttumik ulluinnarni paaqqutarineqartalernissaaniit atualernissaata tungaanut paaqqinnittarfimmi inissaqarnissaa kommunip isumagissallugu pisussaatitaavoq. Taamaakkaluartoq paaqqinnittarfimmi atorusutanni qitornavit inissaqarnissaa qularnaagassaanngilaq. Paaqqinnittarfik kommunip neqeroorutigisaa imaassinnaavoq angerlarsimaffinniit ungasittoq. Meeqqat paaqqutarineqarnissaannut qulakkeerut pillugu uani atuarit; uvm.dk. (qallunaatut)
Namminersortut imaluunniit kommunip pigisaa
Paaqqinnittarfiit kommunip ingerlataasa saniatigut Danmarkimi aamma namminersortunit ingerlanneqartut amerlaqaat. Børnehavet angerlarsimaffimmiluunniit paaqqinnittarfiit namminersortunit ingerlanneqartuusinnaapput. Qitornat paaqqinnittarfimmi angerlarsimaffimmiluunniit namminersortunit ingerlanneqartuni paarineqartalissappat, tamatumunnga kommunimiit taperneqartarsinnaavutit. Akit kommunimiit kommunimut allanngorarput, amerlanertigulli namminersortut akisunerusarput.
Kommunip nittartagaani paaqqinnittarfiit kommunimit akuerineqarnikut allattorsimaffiat nassaarisinnaavat. Namminersorluni angerlarsimaffimmini paaqqinnittartumik ujarleruit facebookimi najugaqarfinneersut naapittarfeqarpata, taakku apersorneqarsinnaassapput.
Akiliineq
Ulluinnarni paaqqinnittarfiit paaqqinninnissamullu aaqqissuussat akii kommunimiit kommunimut allanngorarput.
Ulluinnarni paaqqinnittarfinni, fritidshjemmimi, SFO napertorlugu imaluunniit angerlarsimaffimmi namminersortumi arlalinnik qitornaqaruit, taava qatanngutigiinnermut tapiissummik pisinnaassaatit.
Tamatuma kinguneranik paaqqinnittarfik akisuneq tamakkiisumik akilertarlugu, sinneri affaannarmik akilertassavatit. Qatanngutigiinnut tapiissut ingerlaannaq ilanngaatigineqartarmat illit iliuuseqartariaqanngilatit.
Annikitsuaqqamik isertitaqaruit ilaannakuusumik imaluunniit akeqanngitsumik qitornavit paarineqartalernissaanut qinnuteqarsinnaavutit. Annerusumik uani atuarit: borger.dk.