Akileraarneq

Danmarkimut nuukkuit qanoq isertitaqassanerlutit ilimagisatit akileraarusersuisarfimmut nammineq oqaluttuarissavatit. Tamanna Skat-ip nittartagaani iluarsisinnaavat, tassani aamma siusinaarlutit isertitassatit nalunaarsorsinnaavatit (qallunaatut). NemID nammineq pigisat atussavat.

Akuttunngitsukkut Skat Udland attaveqarfigalugu iluaqutaasinnaavoq, taakkua ikiorsiitinneqarsinnaasarmata. Taakkua una normu atorlugu sianerfigisinnaavatit: 72 22 28 92. (qallunaatut)

Isertitassattut naatsorsuutigisatit siusinaarlutit nalunaarsoreerukkit Skat-imit skattekortissat suliarineqassaaq, tassanilu procentit qassit akileraarutigisassaneritit allassimassaaq. Skattekortissat pappiaqqatut ilinnut nassiunneqassanngilaq, kisiannili nammineq Skat-ip nittartagaanut iserlutit takusinnaavat naqiterlugulu.

Isertitavit siusinaarlutit nalunaarsorneri

Sulisitsisuit imaluunniit oqartussaqarfiup aningaasarsiffigisartakkavit, akissarsiassatit, ilinniarnersiutitit imaluunniit inunnik isumaginninnermit pisartakkatit eqqortumik akilersinnaaniarlugit skattekorti pisariaqartissavaat.

Siusinaarluni isertitat nalunaarsorfissaat skattekortilu imminnut atapput. Siusinaarlutit isertitavit nalunaarsorneri allanngortikkukkit, taakkua naapertorlugit skattekortit allanngortinneqassaaq.

Siusinaarluni isertitat nalunaarutiginissaat pillugit uani atuarsinnaavutit: skat.dk. 

Apeqqutissaqaruit Købehavnimi Nunatta Sinniisoqarfiani sulisoqarpoq siunnersuisinnaasunik. Attaveqarfigisinnaasatit uani nassaarisinnaavatit.