Init attartugaq attartortiguk
Nunatsinniit Danmarkimut nuunninni inigisat attartukkat attartortikkukku, Nunatsinnut uteruit inissaqarnissat qulakkiissavat.
Ini soorlu INI-mit attartugarigukku, attartortinnissaanut qinnuteqaat immersorlugu INI-mut nassiutissavat. Init attartukkat sivikinnerpaamik qaammatini pingasuni sivisunerpaamillu ukiuni pingasuni attartortissinnaavat.
Ini attartortikkukku illit nammineq suna tamaat akisussaaffigissagakku eqqumaffigissavat, ass. akiligassat akilernissaat inimillu attartortup inimi ajoqusigaasa iluarsaannissaat akisussaaffigissavat.
Inigisavit attartortinnissaa pillugu uani sukumiinerusumik atuarit; Sullissivik.gl.