Menu

Atuarfik

Qitornat ukioq taanna 6-nnik ukioqalernerminiit atualertussaavoq. Qitornat atualernissaanut uani allatsissinnaavat: borger.dk. (qallunaatut) NemID atussavat.

Najukkat naapertorlugu kommunip sortaani qitornat inissinneqassanersoq aalajangerneqassaaq. Atuarfimmili sorlermi qitornat atuassanersoq aalajangersinnaavat, atuarfimmut tassunga allatsillugu. Tassanili qitornavit inissaqarnissaa qularnaarneqanngilaq.

Atuarfiit namminersortut

Qitornavit namminersortut atuarfiutaanni atualernissaa aamma qinersinnaavat. Danmarkimi namminersortut atuarfiutaat atuarfiillu namminneq ingerlariaasillit assigiinngitsut amerlaqaat. Atuarfimmi atualerfissami allatsittoqartarpoq. Namminersortut atuarfiutaat qaammammut 1000 koruunit 2000 koruunillu akornanni akeqakkajupput.

Namminersortut atuarfiutaat pillugit uani atuarsinnaavutit; borger.dk

Atuarfiup angerlarsimaffiullu suleqatigiinnerat

Danmarkimi atuarfiit suleqatigiinnissaq pingaartitaraat. Ukiut tamaasa angajoqqaat ataatsimiinneri kiisalu atuarfiup angerlarsimaffiullu akornanni pissutsit pillugit ataatsimiittoqartarpoq, akuttunngitsumillu atuaqatigiit angajoqqaavi atassuteqaqatigiiffissamik pilersitsisarput, soorlu atuartut katerisimaarnissaannik aaqqissueqataasarlutik. Atuarfimmi ataatsimiittaarnerit peqataaffigisarnissaat isumatusaarneruvoq, qitornat atuarfimmi qanoq ingerlanersoq tusarniassagakku kiisalu angajoqqaat allat ilikkarniassagakkit.

Qitornat atuarfimmi ajornartorsiuteqartoq pasitsaakkukku tamatigut atuarfimmi ikiortissarsiorsinnaavutit.

Atuarfiup angerlarsimaffiullu suleqatigiinnerat pillugu uani atuarit; borger.dk

Qallunaat oqaasiinik ilinniarnissamut ikiortissat

Qitornat atuarfimmi angerlarsimaffimmilu kalaallisuinnaq oqalunnikuuguni qallunaatut oqaluttariaqarsornermi malinnaajuminaatsissinnaavaa.

Qitornavit qallunaatut oqalunnermik ilinniarnissaminik pisariaqartitsiguni aallarterlaat atuaqatigisinnaavai. Tassani ilinniartitsineq qitornavit utoqqaassusaanut naleqqussarneqassaaq.

Oqaatsinik ilitsoqqussanik ilinniartitsinermut periarfissat aamma misissorsinnaavatit. Uani annerusumik atuarit.