Ernineq

Danmarkimiillutit meerartaaruit imaluunniit naalungiarsuuteqarlutit Danmarkiliaruit erninerup nalaani sulinngiffeqarnissamut malittarisassat paasiniakkit. Danmarkimi malittarisassat Nunatsinniit allaanerupput.
Danmarkimi naartusut tamarmik erninissartik sioqqullugu sapaatip-akunnerini sisamani kiisalu ernereernermi sapaatip-akunnerini 14-ini sulinngiffeqarsinnaatitaapput. Ataatanngortut meerartaarnerup kingorna sap.ak. 24-t ingerlaneranni sapaatip-akunnerini marlunni sulinngiffeqarsinnaatitaapput. Sapaatip-akunnerini 14ini erninermut atatillugu sulinngiffeqarneq qaangiuppat angajoqqaanngortut immikkut sapaatip-akunneri 32-t tikillugit angajoqqaatut sulinngiffeqarsinnaatitaapput.

Suliffeqaruit imaluunniit ullormusiaqarsinnaatitaaguit erninerup nalaani sulinngiffeqarninni, erninerup nalaani ullormusianik (barselsdagpenge) pisarsinnaavutit. Kommunemiit ikiuutisisaruit erninerup nalaani ullormusiaqarsinnaanngilatit, ikiuutisiatilli ingerlaannarsinnaallutik.

Erninerup nalaani sulinngiffeqarneq pillugu uani atuarit: borger.dk. (qallunaatut) Tassuuna aamma erninerup nalaani ullormusiaqarnissannik qinnuteqarsinnaavutit. NemID atussavat.