Utoqqalinersiutit

Utoqqalinersiuteqalertussanngoruit, utoqqalinersiatit Danmarkimi tigusinnaavatit.

Qaqugukkut Danmarkimi utoqqalinersiuteqalersinnaaneq pillugu assigiinngitsunik malittarisassaqarpoq. Inuit ilaat 65-inik ukioqalerunik utoqqalinersiuteqalersinnaapput ilaalli aatsaat 68-inik ukioqalerunik utoqqalinersuiteqalissallutik. Qanga inunngornikuunerit apeqqutaavoq. borger.dk alakkarlugu, qaqugu utoqqalinersiuteqalissanerlutit takuuk. (qallunaatut)

Nunatsinni utoqqalinersiaqartuullutit Nunarput qimallugu Danmarkimut nuukkuit, utoqqalinersiatit attatsiinnarsinnaanngilatit. Allatut oqaatigalugu, Danmarkimut nuukkuit qaammatip naanerani utoqqalinersiatit taamaatinneqassapput. Taamaattorli Danmarkimi folkepensioneqarnissannik qinnuteqarsinnaavutit. Danmarkimut nuunniaruit piumasaqaatit eqquutsissimagukkit taakku qinnuteqaatigissavatit.

Folkepensioneqarnissamut qinnuteqarsinnaavutit aatsaat Danmarkimi najugaqaruit. Taamaammat eqqaamassavat nuunnerit oqartussanut nalunaarutigissagakku.

Utoqqalinersiutissatit nammineq akilerneqartalissanngillat - qinnuteqaatigisariaqarpatit. Utoqqalinersiuteqalernissat ukiup affaanik sioqqullugu qinnuteqaateqarsinnaavat. Utoqqalinersiuteqalernissat nallerukku qaammatip aallaqqaataaniit utoqqalinersisalernissannut pisinnaatitaavutit. Utoqqalinersiaqalernissamut qinnuteqarnermi NemID atorneqassaaq.

Borger.dk-mi utoqqalinersiutinik qinnuteqarit. (qallunaatut)

Aningaasatigut tapiissutit

Utoqqalinersiutilittut tapiissutinik assigiinngitsunik pisinnaavutit, soorlu kiassarnermut, kigutileritinnermut kiisalu nakorsaatinut. Tapiissutit assigiinngitsut una aqqutigalugu qinnutigisinnaavatit: borger.dk. (qallunaatut)

Utoqqalinersiat pillugit uani atuarit: borger.dk. (qallunaatut)