Inuusuttut ilinniagaat

Inuusuttut ilinniagaat tassaapput inuusuttunut meeqqat atuarfiannik naammassinnereernikut ukiuni marlunni amerlanerniluunniit ilinniarsinnaasaat. Inuusuttut ilinniagaat marlunngorlugit immikkoortinneqarsinnaapput: Inuussutissarsiornermik ilinniakkat kiisalu gymnasiami ilinniakkat.

Sammisat ataasiakkaarlugit ilinniakkannut ilassutitut imaluunniit 25-nik ukioqalereernikuuguit inersimasunut inuussutissarsiornermik (euv) ilinniaqqissinnaavutit.

Danmarkimi inuusuttut ilinniagaasa arlaat toqqassagukku, angajoqqaavit ikiuinissaat tapersersuinissaallu pingaaruteqarpoq. 18-it inorlugit ukioqaruit ilinniarfissatut kiisalu ilinniagassatut toqqakkat angajoqqaat akuereqqaartussaavaat.

Inuussutissarsiornermik ilinniakkat

Inuussutissarsiornermik ilinniakkat (eux) tassaapput tunngaviusumik aallarniut kiisalu pingaarnertut ilinniarneq. Inuussutissarsiornermik ilinniarfinni suliat misilittarnissaat inuussutissarsiutissatullu ilinniartinneqarneq sammineqartarput.

Kalaallit Nunaanniit Danmarkimi inuussutissarsiummik ilinniarnissat qinnuteqaatigisinnaavat, taakkualu ilaat qinnutigisinnaavat aamma sulianik misilittaanissamut isumaqatigiissuteqanngikkaluarlutit.
Danmarkimi inuussutissarsiornermik ilinniagassat pillugit uani atuarit; Uddannelsesguiden, ug.dk (qallunaatut) kiisalu uani; sunngu.gl.

Gymnasiami ilinniagassat

9. klasse naammassiinnarlugu gymnasiami ilinnialernissat soqutigigukku, hhx, htx, stx imaluuniit hf toqqarsinnaavatit. Kalaallit Nunaanni illoqarfiit sisamat, tassa Nuuk, Sisimiut, Qaqortoq kiisalu Aasiaat gymnasiaqarput. Danmarkimi gymnasiat 178-it periarfissaapput.

Gymnasiami ilinniarnerit pillugit uani atuarit; Uddannelsesguiden, ug.dk (qallunaatut) uanilu: sunngu.gl.