Sulinngiffeqarninni Danmarkiliassaguit
Sulinngiffeqarlutilluunniit Danmarkiliassaguit aamma pappiaraqarpoq iluarsisimasassanik. Billetsissavit saniatigut najukkannut uppernarsaat angalanermilu sillimmasiissut eqqaamasassani pingaarnerugunarput.
Angalanermi sillimmasiineq
Illit nuliallu/aappallu sulinngiffeqarlusi angalanissinni napparsimalerussi angalanermi sillimmasiissut atussavat.
Angalanermi sillimmasiissutit assigiinngitsut uani; rejseforsikringsguiden.dk sanillersuussinnaavatit.
Najukkamut uppernarsaat
Najukkamut uppernarsaammi, kinaanersutit sumilu najugaqarnersutit takuneqarsinnaavoq. Passeqanngikkuit najukkamut uppernarsaat nassartariaqarpat. Taanna assersuutigalugu ukunatut atorsinnaavat:
• passitut, Nunani Avannarlerni angalaninni
• peqqinnissamut allagartatut/sygesikringsbevis, Danmarkimi, Savalimmiuni, Sverigemi, Norgemi, Finlandimi imaluunniit Islandimi.
NemID pigigukku najukkamut uppernarsaat uani aasinnaavat: sullissivik.gl.
NemID piginngikkukku najukkanni innuttaasunut sullissivik imaluunniit nunaqarfimmi allaffik saaffigissavat. Eqqaamasassat tassatuaavoq inuttut CPR-normut. Najukkamut uppernarsaat ingerlaannaq tigussavat.
Napparsimanermi ikiorneqarneq
Angalatillutit napparsimalerninni oqartussatigut ikiorserneqarnissannut Kalaallit Nunaata Nunat Avannarliit europamilu nunat ataasiakkaat isumaqatigiissuteqarfiginikuuai. Tamanna pillugu uani atuarit: sullissivik.gl.