NemKonto

NemKonto tassaavoq aningaaserivimmi konto akissarsiannik, ilinniarnersiutinnik (SU) imaluunniit aningaasanik oqartussaneersunik ikisiffissatut nammineq toqqakkat.

NemKonto-qanngikkuit, Danmarkimi aningaasat oqartussaneersut kontomi utaqqisinneqassapput, aatsaallu NemKontomik peqaleruit tiguneqarsinnaalissallutik.

Aningaaserivimi konto sorleq NemKontotut atulissanerlugu toqqaaninni NemID atussavat.

Kalaallit Nunaanni nammineq kontot

Kalaallit Nunaanni kontot pigiinnarsinnaavat, taannalu NemKontotut atulerlugu. NemKonto pillugu isuaqatigiissummik atsiortussaagavit Nunatsinni aningaaserivik nalunaarfigeqqaassavat. Kalaallit Nunaanniit aallartinnak tamanna aaqqereersinnaavat.

Sivikitsuinnarmik Danmarkimiittussaaguit Nunatsinni kontoit atuinnarnissaa isumatusaarnerussaaq. Periarfissatilli killeqassapput, akitsuutinullu assigiinngitsunut aamma aningaasartuuteqassallutit.

Danmarkimi bankkonto

Danmarkimi aningaaserivimmi kontoqalersinnaavutit. Danmarkimi aningaasserivimmi kontoqalerniaruit najukkannut uppernarsaammik peqariissaatit, allakkanillu nassiussiffissamik najukkat nalunaarutigereernikuussallugu.

Tamatumunnga pissutaavoq aningaaserivimmiit kortimut kode isertuussaq allakkerivikkut najukkamut nassiunneqarnissaa.

NemKonto pillugu annerusumik uani atuarit; nemkonto.dk. NemID atorlugu tassunga isersinnaavutit, kontolu sorleq NemKontotut atulissanerlugu toqqarlugu.

NemKonto pillugu aamma uani atuarsinnaavutit; borger.dk.