Menu

Passi

Danmarkimut timisartorninni passi pisariaqartissanngikkaluarpat, taamaattorli nassarnissaa isumatusaarnerulluni. Kørekortimimi imaluunniit NemID-mik piniarninni passit pisariaqartissagakku.

Kalaallit Nunaanni passi

Passitaarusukkuit Nunatsinni politeeqarfik saaffigissavat. Saaffiginnitsinnak passitaarniarlutit qinnuteqaatit immersoreerlugulu printereersinnaavat (PDF). (qallunaatut)

Asseq passimut atugassiaq kuisinnermullu uppernarsaatit ilannguttariaqarakkit eqqaamassavat.

Passitaarniarneq pillugu sukumiinerusumik uani atuarit; sullissivik.gl

Danmarkimi passi

Kommunemi najukkanni Borgerservice saaffigalugu passitaarsinnaavutit. Borger.dk-mi piffissamik inniminneeriarlutit nammineq ornigutissaatit. Makkua nassassavatit:

• Passi kingullermik pisimasat

• Kuisinnermut atserneqarnermulluunniit uppernarsaatit assilisaanngitsoq, sundhedskort imaluunniit kinaassutsinnut uppernarsaat assitalik

• Asseq passimut atugassiaq

Nutaamik passitaarneq akeqarpoq. Qanoq akeqarneranut ukiutit apeqqutaapput, inersimasuuguilli (sulisinnaajunnaarnersiuteqarnak) 890 koruuneqarpoq. Kommunet ilaanni Borgerservicemi passimut atugassamik assiliisoqarsinnaasarpoq.

Passi suliarineqareerpat allakkerisarfikkut nassiunneqassaaq. Tamanna nalinginnaasumik ulluinnarnik 11-15-nik sivisussuseqartarpoq.