Init attartugassiat

Danmarkimi nalinginnaasumik inissiaqarnermut ingerlatsiviit imaluunniit inuit nalinginnaat attartorfigineqarsinnaapput. Inissiat attartorneqarsinnaasut assigiinngitsut pillugit uani atuarsinnaavutit.
Attartortut ininik attartorneq pillugu inatsimmit illersorneqarsinnaapput kiisalu piumasaqaateqartoqarluni. Attartornermut inatsit kattuffiup Lejernes Landsorganisationip nittartagaani atuarsinnaavat. (qallunaatut)

Qanorluunniit ittumik attartoraanni, kingusinnerpaamik iserternermiit ullut 14-it qaangiuppata, inimi amigaataasut pillugit attartortitsisoq ilisimatinneqassaaq. Taamaanngippat taakkununnga illit akisussaatinneqarsinnaavutit.

Ineqarfinnik ingerlatsiviit

Danmarkip sortaanut nuussanerlutit nalunngikkukku, maannangaaq ineqarfinnik ingerlatsivinni arlalinni utaqqisutut inissinnissat isumatusaarneruvoq. Inissianik ingerlatsiviit ilaat nalinginnaasumik ingerlatsiviupput ilaallu inunnit namminersortunit pigineqarlutik.

Attartortitsisartut namminersortut

Namminersortut aamma inimik attartorfigisinnaavatit. Init namminersortut attartortittagaasa akii annertuumik assigiinngissinnaasarput.

Inuk nalinginnaasoq attartorfigigukku sianigisariaqarputit. Inimik kina piginnittutut attartuisutulluunniit allassimanersoq, pisortat inissianik nalunaarsuiffiat ois.dk aqqutigalugu najugaq allallugu paasiniarsinnaavat.

Inissiat attartuisumit attartorneri

Inissiamik nammineq attartuisoq allamut attartuisitsisinnaavoq. Attartuisoq angalanermi nalaani inissiamik imaluunniit ineeqqamik inissiamiittumik attartuisitsisinnaavoq.

Inimik attartukkamik attartussaguit, maanna attartortup attartortitseqqusaanera qulakkeertariaqarpat. Assersuutigalugu inimik piginnittup oqarasuaataata normua piumasinnaavat, ilumut ini attartorukku ajunnginnersoq paasiniarniassagakku. Inimik illit attartuinissannut maanna inimik attartortoq atsioqatigigukku aamma inimik piginnittoq atsioqataasussaavoq.

Ajutoorfiusinnaasut sissuikkit

• Nalunaarsugassaanngitsunik akileeqqaartassanngilatit. Tamanna inatsisinik unioqqutitsineruvoq, aningaasallu utertinnissaannut inatsisitigut periarfissaqarnak.

• Nuulernermi akiliutissaq/qularnaveeqqut aningaasanik akilissanngilat, najoqqutarineqarsinnaasumilli kontomut nuussillutit. Sissuinngikkuit ini attartugassaanngitsoq akilersimasinnaavat.

• Inimut akiliut imaluunniit attartornermi siumut akiliut internetikkut toqqaannartumik akiliiffissat soorlu Western Union assigisaalluunniit atunngisaannakkit utertinneqarsinnaasanngimmata.

• Attartornermut isumaqatigiissut attartortitsisumit atsiorneqarnikoq tamatigut piniartaruk. Isumaqatigiissut sukumiisumik atuaruk. Ingerlaannaq atsiornissannut tatisimaneqassanngilatit. Nalornisaqaruit Kalaallit Illuutaanni ikiortissarsiorit, inatsisitigut uannga isumagineqartumik retshjælpen.

• Attartuisumit attartussaguit piginnittoq atsioqataasussaavoq.

• Inatsisinik unioqqutisoqarneranik pasitsaassaqaruit, inimik piginnittoq atassuteqarfigissallugu isumatusaarneruvoq. Taassuma najugaa ois.dk aqqutigalugu nassaarisinnaavat. (qallunaatut)

Inimut tapiissutit ineqartullu akileeqqaarnissaannut akiligassarsineq

Ini attartukkat attartortagaappat immikkullu igaffeqarluniluunniit igaffeeraqarpat kiisalu immikkut kuuffeqarpat, tapiissutissanik qinnuteqarsinnaavutit. Uani; Borger.dk inimik qulakkiineq/boligsikring pillugu atuarsinnaavutit, qanorlu annertutigisumik taperneqarsinnaanerit naatsorsorlugu. (qallunaatut)

Inimut nalinginnaasumik attartugassamut nutseruit, ineqartut akileeqqaarnissaannut immaqa akiligassarsisinnaassaatit. Piumasaqaatit pillugit uani atuakkit borger.dk.